من هالحيـاهـ شْـ كنت أبي ؟ ماكنت أبي إلا الحنان
وشهو حَصَل ؟ وش ماحَصَل ؟ لاماحَصَل إلا الطعون
ايـهـ انطَعَنت ’ ثـم إنكويت ’ والله لَعَب فيني الزمان
ايـهـ إنكِسَر فيني حِلِـم ’ ماتت على جِذعي غُصون
مَـلّيت مـن نـفـسي أنـــا ’ ومـن وقـت ماقِد يــوم لان
مَـلّيت من قولة : صَـبِـر ’ وهَـوّنها يـاقلب وتـهـون
المشكِلَـهـ مابَـهـ أمَـل ’ والـ جـرح مـاظـنـّيـت هـان
مَـدري الـبلا فيني أنـا والا البلا بْـ حـسـن الظـنـون
ياهالبَشَر وين اتجـهـ ؟ وين القى لاحساسي مكان !
الواقــع أزرى يـبـتـسـم ’ واحـلامي مــاتت بالجفون
يمّـهـ أبــي بــس أشـتكي ’ ويـنـك قبل فوت الأوان ؟
غَصّت بي آهــاتي (تَـعَـب) يــمّـهـ أبـي صدرٍ حنون
وَجّهت وجهـي للذي إن قال : كُـن ’ كِل شَيّ |كـان|
ربـي ’ إلهـي ’ خـالقي ’ دعـوات عَــبــدهـ مـاتـهـون
مِـسَـحـت دمـعـهـ تـسَـلّلَـت ’ مالَت على خدّي بـ أمان
دَمعـهـ يتيـمـهـ صامـتـهـ ’ ضَـج إبْـ صداها هالسكون
ثم إخـتِـنَـقـت بـ عـبـرتـي وارخـيـت جـفـني واستكان
ثم قلت : يـانفس إصبري واحتسبي أجـر الصابِرون
بافنى وانا أدري أكيد |كِـلْ مِن على هالأرضْ فـــان|
بافنى وانا في دنيتي ذِقـت الـ عَــنــا مـن كِـل لـــون
منقول للفائده
مع تحياتي
الفصول الاربعه
